आल्याची साधारण लागवड जूनमध्ये होते. त्यांचे वाफे तयार केले जातात. खत, शेणखत यांच्या समवेत आल्याच्या बियाण्याची लागवड केली जाते. साधारण जानेवारी पर्यंत हे आलं तयार होते.  ते खणून अलगद काढले जाते. आल्याला फंगस लगेच पकडत म्हणून ते चांगल्या स्थितीत राहावे म्हणून जमिनीत खोलवर खड्डा करून त्यात आलं मातीत मिक्स करून त्यावर गवत टाकून ठेवले जाते. त्यामुळे पाहिजे तेव्हा वापरायला काढून घेता येते. हे आलं वर्षभर चांगल्या अवस्थेत राहते. व बियाणे ही पुढच्या लागवडीसाठी तयार होते.

कोकण- सातारा आलं साधारण लहान आकाराचे असते पण चवीला उत्तम असते. चहा बनवण्यासाठी सातारा आलं उत्तम असते. त्याचा एक वेगळाच सुगंध असतो.